“Реал” ёки “Барса”? Қайси жамоа чемпион бўлиш аниқланди

Статистик маълумотлар билан ишлашга ихтисослашган Opta маркази суперкомпьюятери Испания чемпионатининг саккизинчи туридан кейин жамоаларнинг чемпионлик имкониятларини ҳисоб-китоб қилди.

Бу турда “Севилья” майдонидан қақшатқич мағлубиятдан билан қайтганига қарамай, амалдаги чемпион “Барселона”нинг ўз унвонини сақлаб қолиш имконияти ҳамон юқори баҳоланмоқда. Сунъий интеллектга кўра, каталонияликларнинг мусобақани биринчи ўринда якунлаш имкони 46,6 фоизни ташкил қилмоқда.

Саккизинчи турдан кейин Ла Лига жадвалида энг юқори поғонага қайтган “Реал”нинг чемпион бўлиш имкони каталонияликларники билан деярли бир хил. Opta маркази ҳисоб-китобига кўра, бу кўрсаткич 46,55 фоизга тенг.

Ла Лиганинг бирор бошқа клуби икки гранд билан тенглаша олмайди. Агар жорий мавсум якунида чемпионлик “Барселона” ёки “Реал”дан бошқа жамоага насиб қилса, бу ҳақиқий сенсация бўлади.