"Реал Мадрид" теннисчи Алкарасга табрик йўллади

"Реал Мадрид" Карлос Алкарасни АҚШ очиқ чемпионатидаги ғалабаси билан табриклади. Финалда испаниялик теннисчи Янник Синнерни мағлуб этди.

"Азиз Карлос Алкарас, сизни АҚШ очиқ чемпионатидаги иккинчи ғалабангиз, "Катта шлем" турнирларида эришган олтинчи зафарингиз ҳамда Жаҳон теннис рейтингидаги муносиб биринчи ўрнингиз билан самимий табриклаймиз.

Биз, "Реал" мухлислари, ҳар доим ёнингизда бўламиз ва сиз билан фахрланишдан тўхтамаймиз. Табриклаймиз, чемпион!"- дейилади Мадрид клуби хабарида.

Маълумот учун, финалда у жаҳон рейтингида биринчи ўринда турган ва чемпионлик унвонини ҳимоя қилаётган Янник Синнерни мағлуб этди - 6:2, 3:6, 6:1, 6:4 ҳисобида. Ўйин 2 соат 42 дақиқа давом этди. Испаниялик теннисчи кетма-кет 13-ғалабасини қўлга киритди ва мавсумда 61-марта ғолиб бўлди.