“Реал” “Ливерпуль” тўпурарини олади

“Реал” мутасаддилари ёзги трансферлар вақтида “Ливерпуль” ҳужумчиси Садио Манени трансфер қилиш вариантини кўриб чиқмоқда. Мадридликлар анчадан бери сенегаллик ўйинчини кузатиб келади.

Маненинг ливерпулликлар билан амалдаги шартномаси 2023 йилнинг ярмигача давом этади. АгарЮрген Клопп клуб раҳбариятини бу ҳужумчи билан янги битим имзолашга кўндира олмаса, катта эҳтимол билан Мане ёзда бошқа клубга сотиб юборилади.

Яқинда ўтган Африка Миллатлари кубогида Сенегал терма жамоасининг тарихда илк бор чемпион бўлишига катта ҳисса қўшган 29 ёшли ҳужумчи 80 миллион еврога баҳоланмоқда.

Мане жорий мавсумда барча турнирларда “Ливерпуль” учун 29 та учрашув ўтказиб, ўз ҳисобига 11 та гол ёздириб қўйди.