Rasmiy xabar! Sherzod Esanov "Dinamo Brest" jamoasi a’zosiga aylandi!

O‘zbekiston U 23 terma jamoasi yarim himoyachisi Sherzod Esanov Belarusning  “Dinamo Brest” jamoasi a’zosiga aylandi. Bu haqda klub matbuoti xabar berdi. 

"Dinamo Brest" futbol klubi o‘zbekistonlik yarim himoyachi Sherzod Esanov bilan shartnoma imzolaganini mamnuniyat bilan e’lon qiladi. 23 yoshli futbolchining shartnomasi 2025 yilgi mavsum oxirigacha amal qiladi.

Esanov 2003 yil 1 fevralda O‘zbekistonning Navoiy shahrida tug‘ilgan. U “Qizilqum” klubi tarbiyalanuvchisi bo‘lib, shundan so‘ng vatanida “Chig‘atoy”, “Anidjon”, “Olimpik” kabi jamoalarda to‘p surgan. U O‘zbekiston chempionati doirasida 27 ta o‘yin o‘tkazib, ikkita gol urgan.

2024 yilning yozida Esanov faoliyatini Rossiyaning "Akron" klubida davom ettirib, RPLda o‘ynagan. Bu erda yarim himoyachi chempionat va Rossiya kubogida 16 ta o‘yin o‘tkazib, 1 ta gol urgan.

Esanov klub miqyosida o‘ynashdan tashqari, o‘z mamlakatining turli terma jamoalarida o‘ynashda katta tajribaga ega. U O‘zbekiston U20 terma jamoasi bilan birgalikda 2023 yilda Osiyo kubogini qo‘lga kiritgan, U23 terma jamoasi tarkibida esa 2022 yilgi yozgi Osiyo o‘yinlarida bronza medallarini qo‘lga kiritgan.

Esanov allaqachon “Dinamo Brest”ning asosiy jamoasi bilan mashg‘ulotlarga kirishgan. Yarim himoyachi 25-raqam ostida o‘ynaydi", - deyiladi klub matbuoti xabarida.