Расман! Варди мавсум якунида "Лестер"ни тарк этади

"Лестер" клуби ҳужумчиси Жейми Варди мавсум якунида жамоани тарк этишини эълон қилди.

"Клубимиз сафида 13 мавсум давомида тўп суриб, энг буюк футболчимизга айланган афсонавий ҳужумчи Жейми Вардининг бу ёзда "Лестер"ни тарк этишини тасдиқлаймиз", — дейилади Англия Премьер-лигасидан тушиб кетган клуб баёнотида.

Варди 2012-йилдан бери "Лестер" сафида тўп суриб келган. У клуб учун жами 498 ўйинда майдонга тушиб, 198 та гол урган. 38 ёшли ҳужумчи жамоа билан бирга Англия чемпионлиги, мамлакат кубоги ва Суперкубогини қўлга киритган.