Rasman. "Chelsi" Xavi Simonsni qo‘lga kiritish uchun muzokara boshladi

Londonning "Chelsi" jamoasi "RB Leyptsig" klubi yarim himoyachisi Xavi Simonsni transfer qilish borasida rasman muzokaralarga kirishdi. Bu haqda "Sky Sport" xabar tarqatdi.

Manbaga ko‘ra, "aristokratlar" nemis klubiga niderlandiyalik futbolchiga jiddiy qiziqish bildirganini ma’lum qilgan va yaqin vaqtda rasmiy taklif yuborishi kutilmoqda. Londonliklar transfer bo‘yicha tezkor harakat qilmoqchi — maqsad esa raqobatchilardan oldinroq harakatga o‘tishdir.

Ayni vaqtda, "Bavariya" ham Simonsning holatini o‘rganish maqsadida bir nechta telefon orqali bog‘langan. Biroq, myunxenliklar hozircha rasmiy qadam tashlash-tashlamasligi borasida aniq qaror qabul qilmagan.

Eslatib o‘tamiz, Xavi o‘tgan mavsumda Bundesligada 25 uchrashuvda ishtirok etib, 10 ta gol va 7 ta golli uzatma bilan jamoasiga yordam berdi.