Rasman! "Barselona" Valverdeni iste’foga chiqardi va o‘ziga yangi bosh murabbiy tayinladi

"Betis" klubi sobiq ustozi Kike Seten "Barselona" bosh murabbiyi etib tayinlandi. Bu haqda kataloniyaliklar rasmiy sayti xabar tarqatmoqda.

Yuqoridagi manbaaga ko‘ra “ko‘k-anor ranglilar” amaldagi bosh murabbiy Ernesto Valverde bilan o‘rtadagi shartnomani bekor qilishgan. 61 yoshli ispaniyalik mutaxassis esa “Barsa” bilan 2022 yilga qadar shartnoma imzolagan. Uning rasmiy tanishtiruv marosimi esa bugun bo‘lib o‘tadi.

Eslatib o‘tamiz, Valverde 2017 yildan buyon "Barselona"ni boshqarib kelayotgan edi.