Расман! "Андижон" нигериялик легионери билан хайрлашди

“Андижон” клуби жамоанинг нигериялик легионери Эммануэл билан тузилган меҳнат шартномасини ҳар иккала томоннинг розилиги билан бекор қилди.

Клуб расмий сайтининг хабар беришича, Эммануэл билан барча ҳисоб-китоб ишлари тўлиқ якунланди. Энди африкалик футболчи яқин орада ўз юртига жўнаб кетади.

Эммануэл “Андижон” сафида мавсум бошидан буён ҳаракат қилиб келаётган эди. У ўтган давр мобайнида 8 та учрашувда майдонга тушиб, 4 та сариқ ва  1 та қизил карточка олди.