"Қўқон-1912" жамоасида янги шифокор иш бошлади (Фото)

Coca Cola Суперлига ўйинларини Тошкент шаҳрида давом эттираётган "Қўқон-1912" жамоасида янги шифокор иш бошлади. Бу ҳақда клуб матбуот хизмати хабар берди.

Тажрибали мутахассис Бобир Абдазов "Пахтакор"га қарши учрашувда жамоадаги дастлабки иш кунини ўтказди. Бобир Абдазов кўплаб спортчилар ҳамда футболчиларга яхши таниш бўлган мутахассис ҳисобланади.

Шифокор "Қўқон-1912"га келишидан аввал Республика спорт тиббиёти илмий амалий марказида ҳамда Ўзбекистон теннис федерациясида шифокор лавозимида фаолият олиб борган.