Putin Yaxshiboev o‘ynayotgan ligani tomosha qilyaptimi?

Rossiya federatsiyasi prezidenti Vladimir Putinning matbuot kotibi Dmitriy Peskov davlat rahbarining Belarus chempionati o‘yinlarini tomosha qilishiga ishonmasligini aytdi.

Ta’kidlash kerakki, Belarus chempionati koronavirus sabab to‘xtatilmagan Evropadagi yagona futbol musobaqasi hisoblanadi. Ushbu chempionatda 2 nafar o‘zbekistonlik futbolchi to‘p surmoqda. Bular Jasur Yaxshiboev hamda Shahboz Umarovdir.

“U (Putin) o‘yinlarni tomosha qilyapti deb o‘ylamayman...U e’tiborini o‘zining shaxsiy sport faoliyatiga qaratadi”, - deydi Peskov.

Shu o‘rinda Rossiyada futbol mavsumi yozga qadar tiklanmasligini aytib o‘tish lozim.