Пулишич "Ювентус"га ўтишга яқин

Челси" ҳужумчиси Кристиан Пулишич "Ювентус"га ўтишга яқин турибди.

Олдинроқ Лондон клуби молиявий фейр-плей борасидаги аҳволини яхшилаш учун 24 ёшли футболчини сотиш ниятида экани ҳақида хабар берилганди. Турин клуби америкалик вингер учун курашда фаворит саналади.

"ESPN" нашри хабарига кўра, "Челси" Пулишични "Ювентус"га қўйиб юборишга тайёр. "аристократлар" ўз футболчиси учун тахминан 20 миллион евро олишлари мумкин.

Футболчининг клуб билан шартномаси 2024 йилнинг ўрталарига қадар тузилган. Жорий мавсумда футболчи барча турнирларни ҳисобга олган ҳолда 30 та ўйинда қатнашиб, битта гол урди ва иккита голли узатма муаллифига айланди.