ПСЖга Мессининг ўйинидан кўра, унинг номи кўпроқ фойда келтирди

Лионель Мессининг ПСЖга ўтиши пойтахт клуби учун жуда фойдали бўлиб чиқди. Албатта, гап аргентиналик юлдузнинг ўйини жамоани кучайтириб юборгани ҳақида эмас.

Маълумотларга қараганда, клуб Мессининг номи туширилган футбол формалари савдосидан катта миқдорда даромад кўра бошлади.

Ҳозирга қадар клуб Месси футболкасидан 1 миллион донасини сотиб юборди. Бу либос ўртача 150 евро туради. Шу тариқа, клуб Мессига сарфланган барча харажатларни ортиғи билан чиқариб олди.

Transfermarkt портали Месси либосидан тушган даромад Киевнинг “Динамо” жамоасини сотиб олишга етишини маълум қилди.