ПСЖ 3 йилдан сўнг яна Чемпионлар лигаси чорак финалига чиқа олди

Киллиан Мбаппенинг орзуларидан бири бу жамоаси билан Чемпионлар лигасини ютиш эканлигини яхши биласиз. Катта эҳтимол билан, ПСЖда сўнгги мавсумини ўтказаётган француз бунга яқинлашмоқда ҳам. 

Парижликлар сўнгги марта 2020/21 мавсумда ЧЛ 1/8 босқичига чиқа олганди. Ўшанда клуб "Барселона"ни таслим қилган. Дастлабки баҳсда Мбаппе хет-трик қилган бўлса, иккинчи ўйинда томонлар дурангга имзо чекканди. 

Шундан кейин парижликлар чорак финалга чиқа олгани йўқ. Кейинги мавсумда жамоани нимчорак финалида "Реал" тўхтатди. Биринчи ўйинда Мбаппенинг голи ПСЖнинг кейинги босқичга йўл олишига ишонч бағишлаган бўлса, иккинчи учрашувда мадридликлар камбэк қилганди. Энг қизиғи жавоб баҳсида ҳам ҳисобни Килиан очди. Бензема эса хет-трик билан жавоб қайтарди. 

2022/23 мавсумда Париж жамоаси гуруҳдан иккинчи ўрин билан чиқади ва плей-оффда "Бавария"га тўқнаш келади. Иккала ўйинда ҳам "немис машинаси" ПСЖга имкон қилдирмай, ишончли тарзда ғалаба қозонади. 

Орадан 3 йил ўтиб ПСЖ яна чорак финалга йўл олди. "Реал Сосьедад" тўсиғидан қийналмасдан ўтиб олган жамоага Мбаппенинг голлари катта ёрдам берди. Ҳужумчи айни пайтда 6 та голи билан турнир тўпурари бўлиб турибди. Шунингдек, Харри Кейн ҳисобида ҳам 6 та гол мавжуд.