Пол Хьюз: “Усман Нурмагомедовни жазолаш керак эди"

PFL жангчиси Пол Хьюз россиялик Усман Нурмагомедов билан бўлиб ўтган реваншдаги мағлубиятни тан олди, бироқ унинг фикрича, рақиби қоидаларга зид ҳаракатлари учун жазоланиши керак эди.

"Усмандан бир очко олиш керак эди. У уч марта белдан паст қисмга зарба йўллади — бу ҳаддан ошиш. Қоидалар бор, лекин амалда улар қўлланмаса, нима учун керак? Бундан ташқари, у бош билан ҳам тақиқланган зарбалар берди. Тан оламан, ўзим жуда суст ҳаракат қилдим, қўл ва оёқларим уйғун ишламади. Ғалаба қозониш учун керакли даражада жанг қила олмадим", — деди ирландиялик "The Ariel Helvani Show" дастурида.

Эслатиб ўтамиз, Усман "PFL champions series 3" турнирида Хьюзни очколар эвазига мағлуб этди.