Почеттино: "2018 йили "Реал Мадрид"да Зиданнинг ўрнига мураббийлик қилишим мумкин эди"

АҚШ терма жамоаси бош мураббийи Маурисио Почеттино Мадриднинг "Реал" клубига қандай қилиб ўтмай қолгани ҳақида гапирди.

"Футболчи бўлганимда ҳам "Реал"га ўтиш имконияти бор эди, лекин амалга ошмади. Мураббий бўлганимда ҳам шундай имкониятлар пайдо бўлди, аммо футболда баъзан шундай ҳолатлар бўлиб туради. 2018 йили Зидан кетганида, "Реал"га ўтиш эҳтимоли бор эди. Албатта, бошқа мураббийлар ҳам номзод бўлган.

Мен Даниэл Левига ("Тоттенхэм" президенти) янги стадион қурилиб тугаллангунга қадар қолишим ҳақида ваъда берган эдим. Кейин эса Леви рози бўлса, "Реал"га ўтишни айтдим. Нима содир бўлганини билмайман. Эҳтимол, у розилик бермаган. Флорентино Перес буни қандай қабул қилганини ҳам билмайман. Бу менинг айбим эмасди – чунки мен шартномада эдим.

Аммо омад бўлса, ҳали ҳам кеч эмас", – деди Почеттино "Chiringuito TV"га берган суҳбатида.