Pirs Morgan: "Qo‘rqinchli. Agar PSJ yuta olmaganida nima bo‘lardi?"

Britaniyalik jurnalist va "Arsenal" muxlisi Pirs Morgan Parijdagi notinchliklar haqida gapirdi. Bu voqealar PSJ – "Arsenal" o‘yinidan keyin sodir bo‘ldi. Chempionlar ligasi yarim finali javob bahsida parijliklar 2:1 hisobida g‘alaba qozonib, finalga yo‘l oldi. Endi ular 31 may kuni Myunxenda "Inter"ga qarshi o‘ynaydi.

Morgan o‘z Xda (tvitter) muxlislar muhiti va tungi vaziyat haqida yozdi:

"Ijobiy tomoni – tunda juda kulishli kecha bo‘ldi, men PSJ ultraslari orasida o‘tirdim" – deb yozdi u va fayer yoqib, jamoasini qo‘llab-quvvatlayotgan parijliklarning videosini ulashdi"

Shuningdek, u o‘yindan so‘ng Parijdagi beqaror vaziyat haqida gapirdi. Xabarlarga ko‘ra, Elisey maydonida bir mashina odamlarni bosib ketgan va 3 kishi shifoxonaga yotqizilgan. Shu bilan birga, politsiya 43 kishini hibsga olgan.

"Menda o‘yindan so‘ng mehmonxonaga qaytish ancha xotirjam kechgan holatlar bo‘lgan. Bo‘ronchi to‘dalar, politsiya ko‘z yoshi chiqaruvchi gazlar qo‘llayapti, har tarafda mayda yong‘inlar.

O‘ylash kerak – agar mag‘lub bo‘lishganida nima bo‘lardi?" – deya o‘z fikrlarini yozdi taniqli jurnalist.