Pike: Bir mavsumda 15 ta gol ura olaman, agar...

“Barselona” himoyachisi Jerar Pike “Napoli”ga qarshi o‘yindan so‘ng o‘z fikrlari bilan o‘rtoqlashdi.

Italiya klubiga qarshi javob o‘yinida 35 yoshli himoyachi raqib darvozasini ishg‘ol qildi. Kataloniyaliklar 4:2 hisobida zafar quchdi va 1/8 finalga yo‘l oldi.

“Agar hujumda o‘ynasam, bir mavsumda 15 ta gol ura olshimni har doim aytganman. Ammo meni himoyaga qo‘yishdi, men u erda ham yaxshi vaqt o‘tkazaman”, - dedi ispaniyalik futbolchi.

Pike joriy mavsum "Barselona" safida jami 29 ta o‘yinda maydonga tushdi va 3 ta gol urdi.