"Пахтакор" "Сурхон" футболчисини ўз сафига қўшиб олди (фото)

Тошкентнинг "Пахтакор" клуби ярим ҳимоячи Аброр Исмоиловни ўз сафига қўшиб олганлигини эълон қилди. Фаолиятини аввалги биринчи лигада бошлаган футболчи кейинчалик "Нефтчи" ва "Сурхон" клублари сафида ўйнади.

Иқтидорли ярим ҳимоячи яхши ўйинлари билан олимпия терма жамоаси таркибидан ўрин олди. Исмоилов "шерлар" билан 3 йиллик шартнома имзолади. У эркин агент сифатида "Пахтакор"га кўчиб ўтди.

Маълумот учун, чемпионат доирасида Исмоилов 60 учрашувда майдонга тушиб, бир гол уришга эришган.

БИЗНИНГ МАЪЛУМОТ

Аброр ИСМОИЛОВ

Туғилган санаси: 08.01.1998

Амплуаси: ярим ҳимоячи

Ўйнаган жамоалари: “Ёзёвон Лочинлари”, “Нефтчи”, "Сурхон".