"Пахтакор" ОКМКга қарши ўйинларда катта устунликка эга. Анъана давом этадими?

"Шерлар" Суперлига 7-туридан ўрин олган учрашувда 22 апрель куни ОКМК меҳмони бўлишади.

Мазкур баҳсда “Пахтакор”дан Достон Турсунов, рақибдан эса Санжар Турсунов дисквалификация туфайли ўйнай олмайди.

Ҳозирга қадар чемпионатлар тарихида жамоалар 30 марта ўзаро тўқнаш келишган. 22 беллашувда "Пахтакор" ғалаба қозонган. 4 баҳсда дуранг қайд этилган бўлса, 4 марта Олмалиқ клуби зафар қучган.

“Пахтакор” жамоаси 54 та тўп киритиб, 16 бор гол ўтказиб юборган. 7 муваффақиятни "Шерлар" йирик ғалаба билан қўлга киритишган. Олмалиқда кечган 15 ўйиннинг 12 тасида "Пахтакор" устун келган. Мезбонлар эса 3 учрашувда ютуққа эришганлар.

Сафарда 29 гол урган ҳолда 7 тўп ўтказиб юборилган. Ўтган йили Олмалиқда “Шерлар” 2:0 ҳисобида зафар қучган.

ОКМК ва "Пахтакор" жамоалари ўртасидаги 7-тур беллашуви 22 апрель, шанба куни соат 18:10 да Тошкентдаги "Жар" стадионида бошланади.

“Пахтакор” матбуот хизмати.