Парагвай терма жамоасининг Жаҳон чемпионатига чиқиши туфайли мамлакатда миллий байрам эълон қилинди

Парагвай президенти 2010 йилдан буён илк бор жаҳон чемпионатига йўлланма олган маҳаллий футбол терма жамоасининг ютуғини муносиб тарзда эътироф этди. У 5 сентябрни дам олиш куни ва миллий байрам деб эълон қилиш тўғрисидаги фармонни имзолади.

Маҳаллий ҳокимият органларининг расмий манбаларида эълон қилинган ҳужжатда таъкидланишича, дам олиш куни тиббиёт соҳаси ходимларига, шунингдек, жамият учун зарур бўлган давлат хизматлари соҳасида банд бўлган амалдорларга татбиқ этилмайди.

Саралаш мусобақалари якунига бир тур қолганида парагвайликлар турнир жадвалида олтинчи ўринни эгаллаб турибдилар. Шунингдек, Жанубий Америкадан Аргентина, Бразилия, Уругвай, Эквадор ва Колумбия терма жамоалари ҳам жаҳон чемпионатига йўлланма олган.