O‘zbekistonlik sportchilar 44-shaxmat Olimpiadasida ishtirok etish uchun Hindistonga yo‘l oldi
O‘zbekiston shaxmat federatsiyasi prezidenti Alisher Sa’dullaev delegatsiya a’zolari bilan uchrashdi va ularga omad tiladi.
44-shaxmat Olimpiadasi FIDE tomonidan tashkil etilgan bo‘lib, unda ochiq va ayollar o‘rtasidagi turnirlar hamda shaxmatni ommalashtirishga qaratilgan bir qancha tadbirlar o‘tkaziladi.
Umuman olganda Jahon shaxmat olimpiadasida rekord darajadagi jamoalar ishtirok etadi — 188 nafar erkak va 162 nafar ayol shaxmatchi.
44-Butunjahon shaxmat olimpiadasida ishtirok etadigan terma jamoamiz tarkibi bilan tanishing:
Erkaklar:
GM Nodirbek Abdusattorov (2004 yili tug‘ilgan),
GM Nodirbek Yoqubboev (2002),
GM Javohir Sindorov (2005),
GM Jahongir Vohidov (1995),
GM Shamsiddin Vohidov (2002).
Ayollar:
WGM Nilufar Yoqubboeva (2000),
WFM Umida Omonova (2006),
WCM Afro‘za Hamdamova (2009),
WFM Maftuna Bobomurodova (2006),
Marjona Malikova (2002).
Delegatsiyaga O‘zbekiston shaxmat federatsiyasi raisining birinchi o‘rinbosari, A toifali xalqaro hakam Xusan Turdialiev rahbarlik qilmoqda.
Ma’lumot uchun, 45-Butunjahon shaxmat olimpiadasi 2024 yil Vengriya poytaxti Budapesht shahrida o‘tkaziladi. 2026 yil o‘tkaziladigan 46-Butunjahon shaxmat olimpiadasi mezbonligi uchun O‘zbekiston ham da’vogarlik qilmoqda.
Sportni rivojlantirish vazirligi matbuot xizmati
Fikrlar