Осиё ўйинлари: Ҳасанбой Дўсматов ғалаба қозонди. Навбатдаги босқичда у азалий рақибига қарши жанг қилади

Осиё ўйинларининг бокс бўйича бугунги баҳсларидан номдор боксчимиз Ҳасанбой Дўсматовнинг жанги ўрин олганлиги ҳақида хабар берган эдик.

Олимпиада ҳамда жаҳон чемпиони бўлган юртдошимиз ҳозиргина Осиё ўйинларидаги илк жангини ўтказди. У Жанубий Корея вакили Сех Еонг Жога қарши рингга кўтарилди. -51 кг вазн тоифасида юртимиз шарафини ҳимоя қилаётган юртдошимиз 1-раундда рақибига ҳеч қандай имконият қолдирмади. Иккинчи раундда жанубий корелик боксчининг кўзидан олган жароҳати туфайли, жангни давом эттира олмади. Шу тариқа Дўсматов ўз юришини ғалаба билан бошлади. Энди у кейинги босқичда принципиал рақибга айланган қозоғистонлик Сакен Биббосинов билан тўқнаш келади. 

Олдинда бизни яна бир ҳамюртимиз Асадхўжа Мўйдинхўжаевнинг жанги кутиб турибди.