Осиё чемпионати. Шукуржон Раҳимов бронза медали соҳиби

-60 кг вазн тоифасида юртимиз шарафини ҳимоя қилаётган Шукуржон Раҳимов ярим финал босқичида мўғулистонлик Тсендбаатар Ерденебатга қарши рингга кўтарилди. Мазкур жангда ҳамюртимиз очколар ҳисоби бўйича рақибига имкониятни бой берди.

Шу тариқа Раҳимов Осиё чемпионатининг бронза медали соҳибига айланди. Эслатиб ўтамиз, бунга қадар аёллар ўртасидаги баҳсларда Шаҳноза Юнусова (-69 кг) ҳам бронза медалини қўлга киритган эди.

Фото: Ўзбекистон  бокс федерацияси