"Olimpik" - OKMK jamoalarining 3-to‘qnashuvi. O‘tgan yilgi natija yodingizdami?

Superliganing 3-turida OKMK Toshkentda «Olimpik» mehmoni bo‘ladi

Parij Olimpiadasi uchun maxsus tuzilgan «Olimpik» klubi o‘tgan yildan Superliga ishtirokchisiga aylangan va OKMK bilan ikki bor to‘qnash kelgan.

Birinchi davrada «Lokomotiv» stadionida kechgan uchrashuvda yosh olimpiyachilar 1:0 hisobida zafar quchishgan. Olmaliqda o‘tgan ikkinchi davra bahsida esa «Olimpik»ning mavsumdagi eng yirik mag‘lubiyati qayd etilgan. Martin Boake (2 ta), Xurshid G‘iyosov, Shoxruh Gadoev, Mirjahon Mirahmadov va Dostonbek Tursunovning avtogoli evaziga Mirjalol Qosimov shogirdlari 6:0 hisobida g‘alaba qozonishgan.

Ertangi  uchrashuv mazkur jamoalarning milliy chempionatdagi 3-o‘yiniga aylanadi.

«Olimpik» — OKMK

17 mart 2023 yil. Toshkent. «Jar» stadioni. 17:00

Hakamlar: Ilgiz Tantashev, Shohnur Yo‘ldoshev, Oybek Kallaxo‘jaev, Husan Muzaffarov

VAR: Asker Najafaliev

AVAR: Ruslan Serazitdinov

Nazoratchi: Aleksandr Popov

Komissar: Jamshid Imomov

OKMK matbuot xizmati.