Nurbek Sarsenbaevning diskvalifikatsiya muddati yakunlandi

Ma’lumki, futbolchimiz Osiyo kubogi finalida qizil kartochka olgani sababli uchta uchrashuvga diskvalifikatsiya qilingan edi.

Islombek Ismoilov boshchiligidagi O‘zbekiston U-17 terma jamoasi Jahon chempionatining guruh bosqichini muvaffaqiyatli yakunlab, pley-off bosqichiga yo‘llanmani qo‘lga kiritdi. Endilikda Nurbek Sarsenbaev navbatdagi bosqich o‘yinlarida jamoamizga yordam bera oladi.

Eslatib o‘tamiz, O‘zbekiston U-17 terma jamoasi Jahon chempionatining 1/16 final bosqichi doirasidagi uchrashuvni 15 noyabr kuni soat 20:45 da Xorvatiya U-17 terma jamoasiga qarshi o‘tkazadi.