Нуньес Мадрид клуби билан оғзаки келишувга эришди

“Ливерпуль” ҳужумчиси Дарвин Нуньес жорий ёзда “Атлетико Мадрид"га ўтишга оғзаки равишда рози бўлди. Бу ҳақда "Topskills Sports UK" манбаси хабар тарқатди.

Маълумотларга кўра, уругвайлик форвард фақат “Атлетико”га ўтишни хоҳламоқда, гарчи унга “Манчестер Юнайтед” ва “Наполи” каби клублар ҳам жиддий қизиқиш билдирган бўлса-да.

Айни пайтда “матрасчилар” ва “Ливерпуль” раҳбарияти ўртасида музокаралар олиб борилмоқда. “Қизиллар” Нуньесни сотиш орқали 77–95 миллион евро атрофида даромад кўришни мақсад қилган.

Эслатиб ўтамиз, 25 ёшли Дарвин жорий мавсумда барча мусобақаларда 47та ўйинда майдонга тушиб, 7 та гол ва 7 та голли пасга муаллифлик қилди.