Nokautlar ustasi MMA dagi faoliyatini yakunladi

Amerikalik aralash yakkakurashlar faxriysi Mett Braun qo‘lqoplarini osib qo‘yishga qaror qilganini ma’lum qildi.

"Men endi jang qilmayman, men o‘yinni tark etdim. Bu kareramni yakunlash haqidagi e’lon. Endi mening hayotim boshqalarga yordam berishga bag‘ishlanadi. Men yosh yigitlarni tarbiyalayman va shaxsiy biznesimni quraman. Menga mashhurlikka erishish imkonini bergani uchun Dana va UFC ga katta rahmat”, — deb yozdi 43 yoshli Braun X ijtimoiy tarmog‘ida.

 Eslatib o‘tamiz, Braun UFC yarim o‘rta vazn toifasida eng ko‘p nokaut bilan g‘alaba qozonish bo‘yicha rekordchi hisoblanadi(16 ta).