Nigeriya terma jamoasi futbolchilari mashg‘ulotlarga chiqishdan bosh tortishgani ma’lum bo‘ldi

Nigeriya terma jamoasi futbolchilari seshanba kungi mashg‘ulotlardan oldin maydonga chiqishdan bosh tortishgan.

Shu tariqa nigeriyalik futbolchilar Afrika Millatlar kubogi guruh bosqichining ilk turida Burundiga qarshi o‘yinda qo‘lga kiritilgan g‘alaba uchun va’da qilingan mukofot pullari berilmagani uchun norozilik bildirgan.

Nigeriya futbol federatsiyasi tarqatgan xabarga ko‘ra yuqoridagi masala ijobiy hal etilgan.

Eslatib o‘tamiz, Nigeriya ayni damda guruh bosqichining 2-turida Gvineyaga qarshi bahs olib bormoqda.