Неймар ва Мбаппе ўртасидаги можаро ҳал этилди

ПСЖ футболчилари Килиан Мбаппе ва Неймар ўртасидаги можарога барҳам берилди. Бу ҳақда “Le Parisien” журналисти Адриан Гренье ўзининг твиттердаги саҳифаси орқали хабар бермоқда.

"Монпелье" билан ўйиндан сўнг (5:2) Неймар Мбаппе парижликларнинг доимий пенальти тепувчисига айланганидан норозилигини билдирди.

Манбага кўра, можаро ПСЖ спорт директори Луис Кампос томонидан ҳал қилинган. У футболчилар билан суҳбатлашди ва уларнинг хатти-ҳаракати жамоанинг умумий ўйинига зарар келтирмаслиги, футболчилар ўртасидаги тушунмовчиликларни биргаликда ҳал қилиш кераклигини тушунтирди. Йиғилишдан сўнг футболчилар воқеа бартараф этилганини тан олишди.

ПСЖ Лига 1нинг янги мавсумини “Клермон” (5:0) ва “Монпелье” (5:2) устидан қозонилган йирик ғалаба билан бошлади.