Неймар Қатардаги жаҳон чемпионати ҳақида гапирди

ПСЖ ҳужумчиси Неймар 2022/23 йилги мавсумга тайёргарлик ҳақида гапириб, ЖЧ-2022да муваффақиятли иштирок этиши муҳимлигини таъкидлади.

“Бизни қийин мавсум кутмоқда. Яхши тайёргарлик кўришимиз керак. Таркиб кучайтирилмоқда. Албатта, бу бизни хурсанд қилади. Асосий вазифа — 31 июль куни бўлиб ўтадиган "Нант"га қарши Франция Суперкубоги доирасидаги ўйинда ғалаба қозониш. Мен ўзимга Қатардаги жаҳон чемпионатига яхши формада бориш вазифаси қўйганман”, — дея Неймарнинг сўзларини келтиради “Sky Sports” нашри.

Бразилия терма жамоаси Қатарда бўлиб ўтадиган 2022 йилги жаҳон чемпионатида Сербия, Швейцария ва Камерун терма жамоалари билан бирга G гуруҳида иштирок этади.

Турнир 2022 йилнинг 21 ноябридан 18 декабрига қадар бўлади.