Neymar: "Mening eng katta orzum..."

PSJ va Braziliya terma jamoasi yulduz hujumchisi Neymar o‘zining futboldagi orzusi haqida gapirdi.

"Mening katta orzum bor – jahon chempionatida g‘alaba qozonish. Bu mag‘lubiyat biz uchun juda alamli bo‘ldi. Lekin bu futbol. Mana shu hikoyalar uchun biz ushbu sportni yaxshi ko‘ramiz", - deya Neymarning so‘zlarini keltiradi "Infobae" nashri.

Eslatib o‘tamiz, "JCh-2022"da "pentakampeonlar" chorak finalda Xorvatiyaga 1:1 hisobidagi durangdan keyin penaltilar seriyasida mag‘lub bo‘lgan edi. Qo‘shimcha bo‘limlarda Neymar gol urdi, ammo xorvatlar iroda namoyish etishga muvaffaq bo‘ldi. Final hushtagi yangraganidan keyin Neymar ko‘z yoshlarini tiyib tura olmadi.