"Нефтчи" "Пахтакор"га қарши ўйин учун тайёргарликни Тошкентда олиб боради

Кеча Яйпан шаҳрининг "Ўзбекистон"  ўйингоҳида Суперлиганинг 1-тур баҳсида "Қўқон-1912" жамоасини қабул қилиб, 1:0 ҳисобида ғалаба қозонган "Нефтчи" жамоаси  аъзоларига мураббийлар штаби томонидан бир кунлик таътил тақдим этилди, - дея хабар бермоқда клуб матбуот хизмати.

Хабарингиз бор, навбатдаги 2-тур учрашувини Илҳом Мўминжонов бошчилигидаги "Нефтчи" клуби 10 март куни сафарда Тошкентнинг "Пахтакор" жамоасига қарши ўтказади. Шу муносабат билан бир кунлик таътилдан қайтган жамоа вакиллари Тошкент шаҳрида йиғилишади ва кейинги ўйинга тайёргарликни пойтахтда олиб боришади.