"Navruz Cup-2022". 1 та чипта билан 2 та ўйинни кўришингиз мумкин, нархи эса...

Хабарингиз бор, Наманганда 25 ва 29 март кунлари "Navruz Cup-2022" халқаро мусобақаси бўлиб ўтади.

Мазкур турнирнинг 25 март куни бўлиб ўтадиган ўйинлари учун чипталар бугундан сотувга чиқди.

Чипталар нархи 2 ва 21-секторлар учун 50 000 сўм, бошқа барча секторларга эса 30 000 сўм этиб белгиланган.

Асосийси, битта чипта харид қилиб, 25 март кунги 2 та ўйин, яъни, Уганда - Тожикистон ҳамда Ўзбекистон-Қирғиз Республикаси терма жамоалари ўртасидаги учрашувларни бевосита стадионда томоша қилиш имкониятига эга бўласиз.

Чипталар Наманган шаҳридаги "Марказий" ўйингоҳ, "Камолот" боғи, "Чорсу" ва "Сардоба" даҳаларидаги кассаларда сотилмоқда.

Чипталарни харид қилинг ва миллий терма жамоамизни бевосита стадионда қўллаб-қувватланг, азиз мухлислар!                                         

"Навбаҳор" ПФК матбуот хизмати.