"Napoli" o‘z etakchisini 10 mln evroga sotishga tayyor

32 yoshli forvardning neapolliklar bilan amaldagi shartnomasi yozda yakuniga etadi va erkin agentga aylanadi. Calciomercato tarqatgan xabarga ko‘ra, belgiyalik futbolchini "Arsenal", "Bavariya" va Dortmund "Borussiya"si o‘z safida ko‘rmoqchi.

"Napoli" esa Mertensni yozda bepul qo‘yib yuborgandan ko‘ra, qishki transfer oynasi vaqtida 10 mln evroga sotib yuborishni ko‘zlamoqda.

Ma’lumot uchun, Dris joriy yilgi mavsumda Italiya A Seriyasida 16 bahsda maydonga tushdi va 4 ta gol kiritib, 3 ta golli uzatmani amalga oshirdi.