МЮ раҳбарияти Роналдунинг ҳафсаласини пир қилди

"Манчестер Юнайтед" ҳужумчиси Криштиану Роналду клуб раҳбарияти янги харидларни амалга оширмаётганидан ғазабланмоқда.

“Record” нашри хабарига кўра, 37 ёшли португалиялик "қизил иблислар"нинг янги бош мураббийи Эрик тен Хаг билан "Олд Траффорд"га ҳужумкор футболни қайтаришга ҳаракат қилмоқда. Аммо, Роналду Манчестер клубининг трансфер бозоридаги муваффақиятсиз ҳаракатлари туфайли раҳбариятдан ҳафсаласи пир бўлмоқда. Чунки “Манчестер Сити”, “Ливерпуль” каби рақиблар ўз сафига янги футболчиларни қўшиб олди, бироқ манкунианликлар ҳали ҳам янги харид амалга оширгани йўқ. Бу эса португалиялик форварднинг норозичилигига сабаб бўлмоқда.

Эслатиб ўтамиз, ўтган мавсумда Ральф Рангник бошчилигидаги "Манчестер Юнайтед" Премьер-лигада олтинчи ўринни эгаллаган эди. Бу йилдан эътиборан Криштиану бошчилигидаги клуб Европа Лигасида иштирок этади.