МЮ ҳужумчиси навбатдаги учрашувда иштирок этмайди. Бу ҳақида Аморим маълум қилди

"Манчестер Юнайтед" футболчиси Амад Диалло Англия Премьер-лигасининг 6-туридан ўрин олган "Брентфорд"га қарши баҳсда иштирок этмайди.

Бу ҳақда жамоа бош мураббийи Рубен Аморим матбуот анжуманида маълум қилди.

"Диалло учун ҳозир оғир пайт. У учун футбол ҳозир муҳим эмас. Биз ушбу ўйинни Амаднинг иштирокисиз ҳам юта оламиз. Унинг учун ғалаба қозонишни хоҳлаймиз", – деди Аморим.

Маълум бўлишича, футболчининг оила аъзоларидан бири вафот этган.

Эслатиб ўтамиз, "Брентфорд" – "Манчестер Юнайтед" учрашуви 27 сентябрь куни соат 16:30'да старт олади.