MYu futbolchisining taqdiri yangi murabbiyga bog‘liq
"Manchester Yunayted" yarim himoyachisi Donni van de Bek jamoada qolishi mumkin.
"Calciomercato" nashrining xabariga ko‘ra, niderlandiyalik futbolchining kelajagini "qizil iblislar" postiga kelishi kutilayotgan Ralf Rangnik hal qiladi. Agar murabbiy uning harakatlaridan qoniqish hosil qilmasa Donni ijaraga beriladi.
Eslatib o‘tamiz, havbek xizmatiga "Barselona", "Everton" va "Nyukasl" klubilari qiziqish bildirmoqda. Yarim himoyachi joriy mavsum APLda 3ta o‘yinda maydonga tushib, 1ta gol urgan. Uning mankunianliklar bilan amaldagi shartnomasi 2025 yilgacha mo‘ljallangan.
Fikrlar