Murodjon Ahmadaliev va Ronni Rios jangi sanasi va manzili aniq bo‘ldi

Professional boksning birinchi yarim engil vazn toifasida (-55,3 kg) WBA va IBF chempioni hamyurtimiz Murodjon Ahmadaliev o‘zining navbatdagi jangini 19 noyabr kuni Amerika Qo‘shma Shtatlaridagi Yangi Angliya mintaqasida o‘tkazadi. Bu haqda ESPN muhbiri Mayk Koppinjer xabar bermoqda. U o‘z chempionlik kamarlarini majburiy da’vogar hisoblangan amerikalik Ronni Riosdan himoya qiladi. 

Boks oqshomining markaziy bahsi o‘rta vazn toifasida WBO chempioni Demetrius Andrade va Jeyson Kuingli o‘rtasida bo‘lishi belgilangan.