Mourinoning "Benfika" taklifiga javobi qanday bo‘ldi?

"Real Madrid", "Chelsi" va boshqa grand klublarning sobiq ustozi Joze Mourino Portugaliya chempionatiga qaytish arafasida turibdi. Bu haqda insayder Ben Jeykobs ma’lum qilmoqda.

Manbaning xabar berishicha, murabbiy Lissabonning "Benfika" klubidan taklif olgan va bunga rozilik bildirgan. Chempionlar ligasidagi muvaffaqiyatsiz startdan so‘ng "burgutlar" jamoasi bosh murabbiyligini Brunu Laje tark etgan edi.

Lissabon klubi birinchi turda o‘z maydonida kutilmaganda "Qarabog‘"ga 2:3 hisobida mag‘lub bo‘lgan edi. Shuningdek, yaqinda Mourino "Fenerbaxche" bosh murabbiyligidan iste’foga chiqarilganini ham eslatib o‘tamiz.