"Монако" футболчиси "Ливерпуль" ва "Сити" нишонига айланди

"Монако" футболчиси Элисс Бен-Сегир Англия грандларининг трансфер нишонига айланди. 20 ёшли вингер учун “Ливерпуль” ва “Манчестер Сити” кураш олиб боради, дея хабар беради "L'Equipe".

"Монако" келажаги порлоқ футболчини сотишдан 30 миллион евро ишлаб олишни кутмоқда. "Transfermarkt" марокашлик вингерни айнан 30 миллион еврога баҳоламоқда. Элисс жорий мавсумда француз клуби сафида 43 та ўйинда майдонга тушиб, 9 та гол урди ва 4 та голли узатмани амалга оширди.

Футболчининг амалдаги меҳнат шартномаси 2027 йилнинг ўрталарига қадар тузилган. У Марокаш терма жамоаси сафида ўнта ўйин ўтказиб, учта гол ва иккита голли узатмага муаллифлик қилишга ҳам улгурган.