"Monako" amaldagi jahon chempionini o‘z safiga qo‘shib oladi

"Monako" klubi "Roma" yarim himoyachisi Stiven Nzonzini o‘z safiga qo‘shib olishga yaqin turibdi.

Voce Giallorossa nashri tarqatgan xabarga ko‘ra monakoliklar 30 yoshli frantsuz futbolchisi uchun bo‘lgan raqobatda “Lion”ni ortda qoldirishgan. Ta’kidlash kerakki, lionliklar Nzonzi uchun rimliklarga 20 mln evro taklif qilishayotgan edi.

Ma’lumot uchun, Nzonzi o‘tgan mavsum “Roma” safida jami 39ta o‘yinda maydonga tushdi va 1ta gol hamda 2ta golli uzatmaga mualliflik qilishga erishdi. U 2018 yil Frantsiya terma jamoasi safida jahon chempionligini qo‘lga kiritgan edi.