Misha Ge JChda Chexiya jamoasiga murabbiylik qiladi

Yaponiyaning Saytama shahri 20-24 mart kunlari figurali uchish bo‘yicha navbatdagi jahon chempionati bahslariga mezbonlik qiladi. Ushbu dunyo birinchiligida 43 mamlakatdan 200 ga yaqin sportchi ishtirok etishi kutilmoqda. 

Biroq mazkur musobaqada terma jamoamizdan hech kim ishtirok etmaydi. Ma’lum bo‘lishicha, yurtdoshimiz Misha Ge Chexiya terma jamoasida xoreografiya bo‘yicha murabbiy sifatida ro‘yxatdan o‘tgan. 

Saytama shahri 2004 yili ham figurali uchish bo‘yicha jahon chempionatiga mezbonlik qilgan edi. Joriy musobaqaning yakkalik bahslarida g‘olib bo‘lgan sportchilarga 64 ming AQSh dollaridan pul mukofoti topshiriladi.