Мессининг АҚШга ўтгани хато бўлиб чиқди

2023 йили ёзда “Пари Сен-Жермен” билан шартномаси якунланганидан кейин Лионель Месси катта умидлар билан АҚШга йўл олган эди.

Саккиз карра “Олтин тўп” соҳиби “Интер Майами” билан шартнома тузганди. Бироқ сўнгги маълумотларга қараганда, аргентиналик юлдуз АҚШдан кетишга қарор қилган.

Журналист Саша Тавольерининг ёзишича, Мессини МЛС чемпионатининг даражасини қониқтираётган йўқ. Бу лига Лео келганидан бери сезиларли ўсишга эришгани йўқ.

Айни пайтда Леонинг отаси Хорхе Месси Саудия Арабистони инвестиция фонди билан музокара олиб бормоқда. Бу фонд “Ал-Ҳилол”, “Ал-Аҳли”, “Ан-Наср” ва “Ал-Иттиҳод” молиявий таъминлаб келади.

Манбага кўра, Хорхе Месси ўғлининг футбол фаолиятидан ташқари маркетинг лойиҳаларидаги иштирокини ҳам муҳокама қиляпти.