Messiga xunuk xabar keldi

PSJ hujumchisi Lionel Messi ettinchi bor “Oltin to‘p”ni qo‘lga kiritgan bo‘lsa-da, xursandchiligi uzoq cho‘zilmadi.

Barselona shahri ma’muriyati futbolchining “Kamp Nou” yaqinidagi qimmatbaho mehmonxonasini buzish bo‘yicha qaror qabul qildi.

Ma’lumotlarga qaraganda, 77 ta xonadan iborat bo‘lgan ko‘p qavatli ino‘oot shaharsozlik standartlariga to‘g‘ri kelmasligi tufayli  buziladi.Messi bu mehmonxonani sotib olganida, shahar hukumati bu inshootni buzmoqchiligidan bexabar bo‘lgan. Argentinalik yulduz 30 million evroga xarid qilgan bino konstruktsiyaga biror o‘zgartirish kiritilsa, qulab tushishi mumkin. Bundan tashqari, mehmonxona yong‘in xavfsizligi talablariga ham javob bermaydi.

Ma’lumki, Lionel Messi Majestic Hotel Group kompaniyasi orqali Ibitsa va Mayorkadagi mehmonxonalarga ham egalik qiladi.