Месси учун "ов" бошланди...

Футболни ёритиб келаётган бир неча манбалар “Интер Майами” жамоанинг асосий юлдузи Лионель Месси бўйича Европанинг машҳур клубидан таклиф олганини маълум қилди.

Манбаларга кўра, аргентиналик футболчи йил охирида МЛС клублари қишки таътилга чиққан паллада Европага қайтиши мумкинлиги кўп муҳокама қилинмоқда. Саккиз карра “Олтин тўп” соҳиби жаҳон чемпионати олдидан юқори спорт формасини ушлаб туриши учун Европа клубларига ижарага ўтиши эҳтимоли катта экани айтилди.

Бироқ DSPORTS нашрининг ёзишича, “Интер Майами” раҳбарияти Мессини сўраб, клубга мурожаат қилган Туркиянинг “Галатасарой”, Португалиянинг “Бенфика” ва Англиянинг “Челси” жамоаларига рад жавобини берган.

Эслатиб ўтамиз, Лионель Мессининг амалдаги шартномаси 31 декабрь куни тугаши белгиланган эди. Клуб машғур юлдузни “Интер Майами”да қолишга кўндириб, 2028 йилнинг охиригача давом этадиган янги битим тузди.