Месси "Орландо Сити"га қарши баҳсда жароҳат қайталанишидан қўрққанини айтди

"Интер Майами" юлдузи Лионель Месси Лига Кубоги ярим финалида "Орландо Сити"га қарши баҳсда (3:1) дубль муаллифи бўлди.

Бироқ, аргентиналик юлдуз учрашувдан кейин майдонга тушиш олдидан жароҳат қайталанишидан хавотирланганини тан олди.

"Мен ўйнашни жуда хоҳладим. 17 август куни "Лос-Анжелес Гэлакси"га қарши майдонга қайтганимда бироз ноқулайлик ҳис қилгандим, лекин ўйнашни хоҳладим.

Бу ўйин биз учун жуда муҳим эди, чунки рақиб бу йил икки марта бизни енгган эди. Биринчи таймда бироз хавотирда бўлдим, аммо кейин ўзимни анча эркин ҳис қила бошладим", – аргентиналик афсонавий футболчи.