Мбаппега кутилмаган суперхаридор чиқди

Килиан Мбаппенинг розилигини олиш учун курашаётган ПСЖ ва “Реал” 23 ёшли ҳужумчидан қуруқ қолиб кетиши мумкин.

Fichajes сайтининг маълум қилишича, “Манчестер Сити” раҳбарияти франциялик тўпурарни олиш учун ҳар икки клуб таклифидан юқорироқ даражада шартнома беришга тайёр.

Хосеп Гвардиола жамоа ҳужумкорлигини ошириш учун олдинга чизиқда Эрлинг Холанд ва Килиан Мбаппе тандемини ташкил қилмоқчи. Маълумотларга қараганда, “шаҳарликлар” норвегиялик тўпурарни Англияга кўчиб ўтишга кўндириб бўлган. Энди навбат Мбаппега.

Килиан Мбаппенинг ўзи шартномаси охирлаб бораётганига қарамай, фаолиятини қайси жамоада давом эттириш бўйича бир қарорга кела олмаяпти. “Манчестер Сити” мутасаддилари айнан мана шу вазиятдан фойдаланиб қолмоқчи.