Mbappe PSJga “urush” e’lon qildi

Frantsiyalik jurnalist Daniel Riolo PSJ va Kilian Mbappe o‘rtasida yuzaga kelgan vaziyat bo‘yicha o‘z fikr-mulohazalarini bildirdi.

Ma’lumki, Mbappe klub bilan shartnomani uzaytirmasligini bildirganidan keyin rahbariyat asosiy hujumchisini transferga qo‘ydi.

- Ko‘z oldimizda katta mojaro avj olmoqda. PSJ Mbappedan bunaqa yurishni umuman kutmagan edi. Buni klubga qarshi urush e’lon qilish sifatida baholash kerak.

Kilian klubdan norozi va buni endi ochiq aytdi. Hujumchi loyiha kelajagiga umuman ishonmaydi.

Men klub boshqaruvida bo‘lganimda uni tezroq sotib yuborardim. Bir yillik shartnomasi qolgan futbolchini jamoada ushlab o‘tirib bo‘lmaydi, - dedi Daniel Riolo.