Мбаппе: “Ламин Ямални тинч қўйиш керак”

Мадриднинг “Реал” клуби ҳужумчиси Килиан Мбаппе “Барселона” вингери Ламин Ямал атрофидаги шахсий ҳаётга оид муҳокамалар ҳақида фикр билдирди.

Франциялик футболчининг таъкидлашича, жамоатчилик ёш иқтидор эгасининг ҳаётига ҳаддан ташқари эътибор қаратиб, унинг футбол майдонидаги ютуқларини унутиб қўйган.

“Одамлар унинг шахсий ҳаёти ҳақида жуда кўп гапиришади. Менимча, уни тинч қўйиш керак. Футбол майдонида у ажойиб ўйинчи, аммо реал ҳаётда у эндигина 18 ёшда”, — деди Мбаппе "COPE" нашрига берган интервьюсида.

Маълумот учун, 18 ёшли Ямал жорий мавсумда каталонияликлар сафида 5 та ўйинда майдонга тушиб, 2 та гол урган ва 4 та голли узатма муаллифига айланган. Футболчининг клуб билан амалдаги шартномаси 2031 йилнинг ёзига қадар мўлжалланган бўлиб, "Transfermarkt" маълумотларига кўра, унинг бозор қиймати 200 миллион еврони ташкил этади.