Мбаппе Францияни алдаяптими?

Килиан Мбаппенинг ПСЖдан “Реал”га ўтгани унинг ўз юртидаги имиджига салбий таъсир кўрсатмоқда.

Яқинда Франция терма жамоаси бош мураббийи Дидье Дешам 25 ёшли ҳужумчини навбатдаги йиғинларга чақирмаганини Мбаппенинг жисмоний ҳолати яхши эмаслиги билан изоҳлаб, бу борада ўйинчининг  ўзи ва “Реал” билан маслаҳатлашган ҳолда унга ҳордиқ учун қўшимча вақт беришга қарор қилинганини айтганди.

Шунга қарамай, Килиан Мбаппе Испания чемпионатининг 9-турида “Вилярреал”га қарши баҳсда бошланғич таркибда майдонга тушди ва 71 дақиқа ўйнади.

L'Équipe нашрининг ёзишича, Дидье Дешам бу ҳолатдан жумбушга келди.

Франциялик мутахассисни Мбаппе жароҳатидан тикланиш учун вақт сўраб, терма жаоа йиғинига келмагани, бироқ клуб миқёсида жанговар ҳолатда ўйин ўтказаётгани сабаби қизиқтирмоқда.